"ULAGAT" тарих пәні мұғалімдерінің қауымдастығы

Шымкент қаласының Білім Басқармасы Әдістемелік Орталығына қарасты "ULAGAT" тарих пәні мұғалімдерінің қауымдастығы ұйымдастырған "Тәуелсіздікті ту еткен хан Кене" тақырыбында  №122 Ақжар ЖОББМ базасында  қалалық семинар өтті. Мақсаты: Соңғы хан - Кенесары Қасымұлының саяси өмірін дәріптеу арқылы оқушыларды ұлттық патриотизмге тәрбиелеу және білім сапасын арттыру. Мұғалімдерге әдістемелік қолдау көрсету, педагогикалық тәжірибесін жетілдіру және кәсіби шеберлігін шыңдау, шығармашылық қабілеттерін дамыту. 

Аталған семинарда  №52 мектеп-лицейінің тарих және география пәні мұғалімі Бохаева Бибайша Имангалиевна "Қазақстандағы жаппай отаршылдық қоныс аудару саясаты" тақырыбында аталған мектептің 7-сыныбына десант сабақ өтті. Сабақта Word Wall, суреттер көрмесі, жеке және топтық жұмыс, Plickers әдістері арқылы оқушыларды қызықтыра білді. Семинар өз дәрежесінде өтті және сабақ өткен, баяндама оқыған ұстазымыз Әдістемелік кабинеттің Мадақтама қағазымен марапатталды! Марапат құтты болсын әріптес!